+7 (777) 001 44 99
Қазақша
Русский
English
Қарағандыда денсаулығында кінәраты бар 83 жастағы зейнеткер жоғалып кеткен, - деп хабарлайды Tengrinews.kz тілшісі ІІМ баспасөз қызметіне сілтеме жасап.
24 қыркүйекте сағат 12:30 шамасында Қарағанды қаласы полиция басқармасының Оңтүстік-Шығыс полиция бөліміне қала тұрғыны хабарласып, 30 минут бұрын 83 жастағы әжесі жоғалып кеткенін хабарлаған. Зейнеткер пәтерден шығып кеткен.
Қарт адам деменциямен ауыратыны белгілі болды. Оқиға туралы полиция бөлімінің барлық жеке құрамына, патрульдік нарядтарға хабарланды. Жоғалған зейнеткерді іздеуге кинологиялық қызметтің қызметкерлері қатысты. Көп ұзамай полицейлер жаяу жүргіншілер жолында жатқан зейнеткерді тапты. Қызметкерлер оған алғашқы көмек көрсетіп, кейін туыстарын шақырған.
"Әжемді тез тауып алған патрульдік полиция қызметкерлері мен кинологиялық қызметке шынайы алғысымды білдіргім келеді", - деді жоғалған адамның туысы.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
