+7 (777) 001 44 99
Қазақша
Русский
English
Қарағанды облысының Медициналық және фармацевтикалық бақылау департаменті Қарағандыдағы клиникалық ауруханада науқастың қате салынған екпеден қайтыс болған қайғылы оқиғаға қатысты пікір білдірді, - деп хабарлайды Tengrinews.kz тілшісі "Патриот" басылымына сілтеме жасап.
Бұған дейін Қарағанды тұрғыны Төрежан Мақашев геморройға операция жасату үшін ауруханаға түскен. Бұл әдеттегі жоспарлы операция болған. Ол дәрігерлерге Цеф-3 препаратына қатты аллергиясы бар екенін айтқан. Дәрігерлер ақпаратты назарға алып, тіпті оның білегіне арнайы көк жапсырмасы бар білезік таққан, бұл препараттарға аллергия бар екенін көрсетеді. Бірақ көп ұзамай медбике ер адамға келіп, Цеф-3 салған.
Ер адам бірден қызарып, дем жетпей, қайтыс болды. Реанимациялық шаралар көмектеспеген. Үш баласы жетім, әйелі жесір қалды. Төрежан Мақашев Қылмыстық атқару жүйесі департаментінде жұмыс істеген.
Медициналық және фармацевтикалық бақылау бөлімінің меңгерушісі Ольга Смирнованың айтуынша, науқасқа тері астынан аллергиялық сынама жасалған, терісі қабынбаған.
"Науқастың айтуынша, оның Цеф пен новокаинге аллергиясы болған. Бұл деректі растайтын медициналық құжаттар жоқ. Аллергиялық көмек көрсету стандарты бойынша, егер анамнезінде аллергия болса, онда дәрі-дәрмек беруге тыйым салынады. Субъектив ақпарат болған жағдайда аллергиялық тест жүргізіледі. Сынақ жүргізілді", - деді Смирнова.
Бөлім меңгерушісінің айтуынша, медбике жұмыстан шеттетілген жоқ. Облыстық клиникалық ауруханада жұмысын жалғастырып жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
