+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қарағандыда облыстық перинаталдық орталықтардың бірінде төртем дүниеге келді, - деп хабарлайды Tengrinews.kz тілшісі.
Қарағандыда облыстық перинаталдық орталықтардың бірінде төртем дүниеге келді, - деп хабарлайды Tengrinews.kz тілшісі.
Қарағандылық 32 жастағы Регина Горх төрт баланың анасы атанды. Биыл 4 сәуірде ол үш ұл мен бір қызды дүниеге әкелді. Регина Горх балаларына ерекше есімдер берді: Эмма, Вильгельм, Иоганн, Готлиб. Әйел мен оның балаларын перинаталдық орталықтан әкесі күтіп алды.
Дәрігерлердің айтуынша, Регинаның жүктілігі ауыр өткен. Төрт баланы күткендіктен ол 28-аптада перинаталдық орталыққа жеткізілген. Акушер-гинекологтардың арқасында сәбилер анасының құрсағында жатып, қажетті күш пен салмақты жинады.
Облыстық денсаулық сақтау басқармасының баспасөз қызметіндегілер бұл әйелдің алғашқы жүктілігі болғанын айтып өтті.
"Сәбилер 4 сәуірде кесір тілігімен дүниеге келді. Балаларды көптен күтті. Біз де қатты уайымдадық. Кез келген неонатаолог бірден төрт баланы аман-есен дүниеге әкелдіре алмайды. Сәбилер уақытына жетпей туылды, салмақтары аз. Ең ірісінің салмағы - 1 келі 890 грамм, сосын 1 келі 760 грамм, үшінші сәби 1 келі 745 грамм, ал төртінші сәби небәрі 1 келі 95 граммен дүниеге келді", - деді Облыстық перинаталдық орталықтың директоры Сәуле Аманбекова.
Сондай-ақ, дәрігерлердің айтуынша, сәбилердің анасы да ұзақ сауықтырудан өткен. Денсаулығы әлсіреген. Бірақ перинаталдық орталықтың дәрігерлері оның денсаулығын толықтай қалпына келтірген.
