+7 (777) 001 44 99
Қазақша
Русский
English
Қарағандыда магистральдық су құбырындағы апат салдарынан үш мыңға жуық үйдің тұрғындары суық сусыз қалды, - деп хабарлайды Tengrinews.kz тілшісі.
22 мамырға қараған түні №6 магистральдық су құбырының зақымдануы анықталған. "Қарағанды су" ЖШС-нің жедел бригадасы зақымданған аумақты зерттеп, Қарағанды қаласының Сортировка, Жұмысшылар поселкесі және Компанейск аудандарындағы суды өшірген.
Қазір тұрғындар суды су тасушы машина арқылы тасып жатыр.
"Таңертеңнен бастап сорғылар суды сорды, апатты жою үшін 18 адамнан тұратын үш бригада, 8 бірлік арнайы техника жұмыс істеп жатыр. Олар экскаватор, кран, сорғылары бар тракторлар, генератор, вагон кабиналары. Су өткізгіштегі апаттық жұмыстар жалғасып жатыр. Тұтынушыларға су беру ұйымдастырылды", - деді "Қарағанды су" ЖШС баспасөз қызметі.
Сондай-ақ компания зақымданған №6 құбырдың 2009 жылы пайдалануға берілгенін мойындады. Қазір апат салдарынан 2936 үйдің, оның ішінде 2808 жеке тұрғын үйдің тұрғындары суық сусыз қалды. Алдын ала болжам бойынша, бұзылған учаске сағат 22:00-де ауыстырылады. Осыдан кейін суды кезең-кезеңімен беру қамтамасыз етіледі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
