Қарлы боран және жылымық: Қазақстанда алдағы күндері ауа райы қандай болады?

Фото:depositphotos.com

"Қазгидромет" синоптиктері 1, 2 және 3 ақпанда Қазақстанда ауа райы қандай болатынын болжады, - деп хабарлайды Tengrinews.kz тілшісі.

"Қазгидромет" синоптиктері 1, 2 және 3 ақпанда Қазақстанда ауа райы қандай болатынын болжады, - деп хабарлайды Tengrinews.kz тілшісі.

Синоптиктердің мәліметінше, демалыс күндері Қазақстанның басым бөлігіне солтүстік-батыс циклоны әсер етіп, бұлтты ауа райы күтіледі. Жауын-шашын аралас қар, жаңбыр жауып, боран, желдің күшеюі, тұман және көктайғақ құбылыстары байқалады. 1 ақпанда қатты қар тек шығыс және оңтүстік-шығыс өңірлерде жауады, ал республиканың оңтүстік-батысы мен оңтүстігінде антициклон ықпалымен жауын-шашынсыз ауа райы күтіледі.

Түнгі уақытта Қазақстанның солтүстігінде, шығысында және орталығында ауа температурасы -15...-28 градустан 0...-18 градус аязға дейін ауытқиды. Күндіз солтүстік және солтүстік-батыс өңірлерде температура -4...+2 градусқа дейін жылынады. Шығыс пен орталықта күндізгі температура 0...-11 градус аралығында сақталады.

Батыс өңірлерде түнде -8...+2 градус аралығында, күндіз 0...+10 градусқа дейін көтеріледі. Оңтүстікте түнде -2...-13 градус, ал күндіз -2...+7 градус болады. Оңтүстік-шығыста түнде температура -5...-15 градусқа дейін, таулы аймақтарда -17...-25 градусқа дейін төмендейді, ал күндіз -7...0 градус аралығында болады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Ауа райы Болжам Қазақстан