26 маусым 2018 | 13:55

Қарт агрономды балағаттаған әкімнің ісі этика бойынша кеңесте қаралады

Манас Жантекеев

Сурет: sko.gov.kz

Еңбек сіңірген агроном, Петропавлдың құрметті азаматы Равиль Рязаповты сыбаған қала әкімі Марат Тасмағамбетовке қатысты қызметтік тергеу басталды. Бұл туралы Tengrinews.kz тілшісіне СҚО-ның Мемлекеттік қызмет істері және сыбайлас жемқорлыққа қарсы іс-қимыл департаменті Этика бойынша кеңес төрағасы Ғалым Тұрсынов мәлімдеді.

Еңбек сіңірген агроном, Петропавлдың құрметті азаматы Равиль Рязаповты сыбаған қала әкімі Марат Тасмағамбетовке қатысты қызметтік тергеу басталды. Бұл туралы Tengrinews.kz тілшісіне СҚО-ның Мемлекеттік қызмет істері және сыбайлас жемқорлыққа қарсы іс-қимыл департаменті Этика бойынша кеңес төрағасы Ғалым Тұрсынов мәлімдеді.

"Кеше қызметтік тергеу жүргізу тарыл бұйрыққа қол қойдым. Материалдар бар, тергеу жүргіземіз. Барлық деректерге дәлелденсе, іс этика бойынша кеңесте қаралады. Әзірше істі қарау мерзімі белгіленген жоқ", - дейді Ғалым Тұрсынов.

Тергеу уақытында Марат Тасмағамбетов өз қызметін атқара береді. "Оны шеттетпейміз, бізде ондай құзырет жоқ", - дейді ол.

Еске салайық, 2018 жылдың 14 маусымында Петропавл әкімі Марат Тасмағамбетов пен агроном Равиль Рязапов арасында дау туып, оның арты жаналға ұласқан. Рязапов бақта жыртқыш жануарлар ұстауға қарыс болады да, сол үшін әкімнен сөз естіген. Әкімнің аграномды сөгіп жатқаны ұялы телфонға түсірілген.