+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қолданыстағы заңнама қазақстандықтардың Еуразиялық экономикалық одақ елдері, соның ішінде ресейлік банктерден несие алуға тыйым салмайды. Төлем мерзімін кешіктірген жағдайда қазақстандықтарға коллекторлар хабарласа ма? Қаржы нарығын реттеу және дамыту агенттігі төрағасының орынбасары Олжас Қизатовқа сұрақ қойылды, - деп хабарлайды Tengrinews.kz тілшісі.
Қолданыстағы заңнама қазақстандықтардың Еуразиялық экономикалық одақ елдері, соның ішінде ресейлік банктерден несие алуға тыйым салмайды. Төлем мерзімін кешіктірген жағдайда қазақстандықтарға коллекторлар хабарласа ма? Қаржы нарығын реттеу және дамыту агенттігі төрағасының орынбасары Олжас Қизатовқа сұрақ қойылды, - деп хабарлайды Tengrinews.kz тілшісі.
"Біздің азаматтар ресейлік коллекторлардан қорғалған ба, өйткені Ресейдегі бұл қызмет, менің ойымша, өте агрессивті жұмыс істейді?" - деп сұрады журналист.
Агенттік төрағасы орынбасарының айтуынша, несиелік келісімге қол қою кезінде адам ықтимал тәуекелдерді өз бетінше бағалауы керек.
"Заң жүзінде қарыз алушыны ресейлік коллектор әрекетінен қорғайтын ешқандай шектеулер жоқ. Бұл мәселені мұқият қарастыру керек", - деді Қизатов.
Агенттік төрағасының орынбасары бүгінде қазақстандықтардың ЕАЭО елдері банктерінде қанша несиесі бар деген сұраққа да жауап бере алмады. Олжас Қизатовтың айтуынша, олар кәсіподақ комиссиясына тиісті сауал жолдаған.
"Мен басқа елдердің коллекторларының біздің азаматтарға қоңырау шалу деректері бар-жоғын анықтаймын. Біздің азаматтарды басқа ел ұйымдарының заңсыз әрекеттерінен қорғайтын заңнамалық нормалар туралы да", - деп уәде берді ол.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
