+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қалалық жоспарлау және урбанистика басқармасының басшысы Алмасхан Ахмеджанов Алматыны дамыту жоспарлары туралы айтты, - деп хабарлайды Tengrinews.kz тілшісі.
Қалалық жоспарлау және урбанистика басқармасының басшысы Алмасхан Ахмеджанов Алматыны дамыту жоспарлары туралы айтты, - деп хабарлайды Tengrinews.kz тілшісі.
Ол Қаскелең қаласының Алматының құрамына кіруі және осыған байланысты мегаполис шекарасын түзетуге байланысты сұрақтарға жауап берді. Сондай-ақ ол салынып жатқан Үлкен Алматы айналма автомобиль жолының ішіне кіретін жерлерді Алматы қаласының құрамына енгізу туралы мәселені түсіндірді.
"Бұл ерекше қала құрылысын реттеу аймағы. Ол Алматы облысы, біз қазір оны салуға болмайтыны туралы сөйлесіп жатырмыз, себебі ерте ме, кеш пе ол қалаға кіреді. Мүмкін 10 жыл емес, 20, 30 жылдан кейін шығар. Бұл агломерация мәселесі, қазір үкімет осымен айналысып жатыр.
Елбасының тікелей тапсырмасы бар, қала қолданыстағы шекаралар шегінде дамуы тиіс. Себебі бұл тек әлеуметтік емес, сонымен қатар, экономикалық салдарға да әкеледі", - деді Ахмеджанов.
Сондай-ақ ол Алматы мен Қаскелең, Алматы мен Талғар арасындағы шекара жақындап келе жатқанын айтады.
"Бір нәрсе айтайын, егер ғарыштан қарасаңыз, бізде Талғар мен Қаскелең жақта шекара қалмады. Ол енді қаланың емес, агломерацияның мәселесі. Бірақ ол қалаға экология, халыққа байланысты әсер етеді", - дейді басқарма басшысы.
Қалалық жоспарлау және урбанистика басқармасының басшысы Алмасхан Ахмеджанов берген сұхбаттың толық нұсқасын алдағы уақытта Tengrinews.kz-тен оқи аласыздар.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
