31 қаңтар 2015 | 15:42

Қазақ хандығының 550 жылдығына арналған марафонға Астананың 550 тұрғыны қатысты

Астана қаласының ресми сайтынан алынған сурет

Қазақ хандығының 550 жылдығына арналған марафонға Астананың 550 тұрғыны қатысты, - деп хабарлайды Tengrinews.kz тілшісі Астана қаласының сайтына сілтеме жасап.

Қазақ хандығының 550 жылдығына арналған марафонға Астананың 550 тұрғыны қатысты, - деп хабарлайды Tengrinews.kz тілшісі Астана қаласының сайтына сілтеме жасап.

"Астана қаласында "Қазақ елі" монументі алаңында Қазақ хандығының 550 жылдығына арналған марафон өтті. Бұл флешмобты ұйымдастырушы - Астана қаласының әкімдігі және әуесқой триатлоннан Қазақстан Федерациясы. Жүгіру қашықтығы да мерекелі санға сәйкес - 550 метр", - делінген баспасөз хабарламасында.

Флешмобты қолдап Астана қаласы әкімінің орынбасары Ермек Аманшаев та шарада болды, сонымен қатар, әуесқой триатлоннан Қазақстан Федерациясының президенті Мұратхан Тоқмәди мен федерацияның вице-президенті Мақсұт Жұмаев, атақты альпинист, еңбек сіңірген спорт шебері, Азия, Африка, Австралия мен Америка шөлдерін жалғыз өзі жүгіріп өткен әлемдегі жалғыз спортшы, сол арқылы Гиннестің рекордтар кітабына 7 рет енген Марат Жыланбаев та келді.

Жүгіру марафонына 550 адам қатысты. Олардың дені жастар, министрлік пен агенттік қызметкерлері, қарапайым жұмысшылар, белгілі блогерлер мен БАҚ өкілдері.

Тарих Астана