+7 (777) 001 44 99
Қазақша
Русский
English
Әлеуметтік желілерде Қазақстандағы ең ірі мыс өндірушілердің бірінде қауіпті қалдық шығып жатқаны түсірілген ролик пайда болды. Экология министрлігі видеоға түсінік берді, - деп хабарлайды Tengrinews.kz тілшісі.
Бұл видео Instagram желісіндегі "Балқаш" ақпарат агенттігінде пайда болды.
"Конвертер учаскесінен сәлем. Газ құрамындағы қауіпті заттарды ұстайтын сүзгілер жұмыс істемейтіндігінің дәлелі. Корпорация экологтары жемқор", - дейді роликтің авторы.
Бұл видео жұмыс орнында түсірілген.
Ескерту! Видеода бейәдеп сөздер бар!
Посмотреть эту публикацию в Instagram
Экология министрлігі бұл видеоға қатысты пікір білдірді.
"Бұған дейін Қарағанды облысы бойынша экология департаменті Kazakhmys Smelting ЖШС-не қатысты тексеру жүргізген болатын. Нәтижесінде бірқатар ережебұзушылық анықталды. Видеода көрсетілген дерек бойынша біз қосымша тексерістерді бастаймыз. Содан кейін мәлімет беріледі.
Сонымен қатар, жұмыс аумағындағы еңбек жағдайлары туралы сұрақтар бар. Бұл сала денсаулық сақтау министрлігінің, сондай-ақ Дүниежүзілік денсаулық сақтау министрлігінің санитарлық-эпидемиологиялық қызметінің құзыретіне кіреді. Біз бұл органдарға да хат жолдадық", - деді Э кология министрлігі Экологиялық реттеу және бақылау комитетінің төрағасы Зұлфұхар Жолдасов.
Қазақстан жаңалықтары. Соңғы жаңалықтар. Telegram желісінде бізге жазыл!
