+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Назарбаев университетінің ғалымдары қазақ тіліндегі Siri және Alexa сияқты дыбыс қосымшаларының қазақша түрін шығарған. Бұл деректер базасы қазақша сөз тану және синтезі технологияны әзірлеу үшін жасалды. Ол үшін мамандар 2 000 адамның дауысын жазған. Қосымшаның жасалуына атсалысқан еріктілер әлеуметтік желілер арқылы қызығушылық білдірген.
Назарбаев университетінің ғалымдары қазақ тіліндегі Siri және Alexa сияқты дыбыс қосымшаларының қазақша түрін шығарған. Бұл деректер базасы қазақша сөз тану және синтезі технологияны әзірлеу үшін жасалды. Ол үшін мамандар 2 000 адамның дауысын жазған. Қосымшаның жасалуына атсалысқан еріктілер әлеуметтік желілер арқылы қызығушылық білдірген.
Сонымен қатар қосымша ерекше қажеттіліктері бар адамдарға көмектесетін дауыстық және мәтіндік бағдарлама ретінде қолдануға болады.
Олар 300 сағат бойы 154 мың сөйлем оқыған. Сондай-ақ бұл бастама дауыс тану қосымшаларында сөздер мен сөйлемдердің мағынасын түсінуге және ең бастысы, қазақ тілінің дамуына үлес қосады. Қосымша туралы толығырақ Назарбаев университетінің компьютерлік инженері Алмас Мырзахметов zhuldyzfm "Кешкі шоуының" эфирінде айтып берді, - деп хабарлайды Tengrinews.kz тілшісі.
Қазақстандықтар үшін қандай пайдасы бар?
"Бұл жобаны осы жылғы көктемнің аяғында бастағанбыз. Қазірдің өзінде біршама аудио деректерді жинақтадық. Жобаны бастау үшін бірнеше себеп болды. Біріншіден, осы уақытқа дейін жасалған қазақ тілінің корпусы көпшілікке қолжетімді болмады немесе базаның көлемі өте аз болатын. Сондағы біздің мақсатымыз қазақ тілінің толыққанды аудиодыбыстық базасын құру болған. Екіншіден, қазір - ақпараттық технологиялар дамыған заман. Қазақ тілінің ақпараттық технологиялық аясына кіруі біздің тіліміздің дамуының кепілі болып саналады деп ойлаймыз. Сол үшін бұл жобамен айналысамыз деп шештік. Қазір біз жетістікке жеттік деп санаймыз. Әрине, жоба әлі де жалғасып жатыр", - деп таныстырды жобаны жас ғалым.
Қосымша қолданысқа толық енді ме?
"Негізінде біз осы мәліметтерге байланысты бағдарламаны жасадық. Ол бағдарламаны біздің сайтымыздан көре аласыздар. Онда өзіңіз дыбыстық аудио жазып, әпсәтте мәтінге айналғанын көре аласыздар. Әзірге біз жасаған бағдарлама осылай. Бірақ уақыт өткен сайын мәлімет жинала түседі және бағдарлама да күшейе түседі деп ойлаймыз", - деді маман.
Қосымшаны қайдан тауып, қалай тексеріп көреміз?
"Қосымшаны жүктеу болғанда... Әзірге сіз қазақ тіліндегі аудионы мәтінге тек институт сайтында жасай аласыз. Біздің институт Ақылды жүйелер мен жасанды интеллект институты деп аталады. Сайтымызға issai.nu.edu.kz кіргенде басты беттегі жаңалықтар бөліміне кірсеңіз болады. Немесе сол басты бетте қазақ тілінің корпусына апаратын сілтеме көрсетілген. Соған бассаңыздар біздің бағдарламаға апарады", - деді Алмас Мырзахметов.
Қазақстан жаңалықтары. Соңғы жаңалықтар. Telegram желісінде бізге жазыл!
