+7 (777) 001 44 99
ПОДЕЛИТЬСЯ
Қазақстан әуе қауіпсіздігі бойынша рейтингте жоғарылады, - деп хабарлайды Tengrinews.kz тілшісі ҚР Инвестициялар және даму министрлігінің баспасөз қызметіне cілтеме жасап.
Қазақстан әуе қауіпсіздігі бойынша рейтингте жоғарылады, - деп хабарлайды Tengrinews.kz тілшісі ҚР Инвестициялар және даму министрлігінің баспасөз қызметіне cілтеме жасап.
Халықаралық азаматтық авиация ұйымының (ИКАО) 2014 жылғы маусымдағы ұшу жарамдылығына қатысты ескертулері алынып тасталды. Осылайша, ҚР ИДМ Азаматттық авиация комитеті қызметінің ИКАО стандартына сәйкестілігі 47-ден 65 пайызға өсті.
"Жалпы әлемдік орташа көрсеткіш - 60 пайыз. Осы бағыттағы жұмыстар алдағы уақытта да жалғасады. Ендігі мақсат 2020 жылға дейін 80 пайызға дейін жеткізу", - деді Азаматтық авиация комитетінің төрағасы Бекен Сейдахметов.
Оның айтуынша, ИКАО-ның техникалық ынтымақтастық бюросының сарапшыларымен бірге барлық әуекомпаниясын қайта сертификаттау жүргізілді. 2009 жылы қазақстандық әуекомпаниялардың саны 70 болса, 2014 жылы 45-ке дейін қысқарды. "Тәжірибе алмасу мақсатында Түркия, Францияның авиация басшылығымен ұшу мерзімін қолдау бойынша бірлескен жұмыстар ұйымдастырылды", - деді ол.
Айта кетейік, барлық кемшілік жойылғандықтан "Эйр Астана" АҚ-на Еуропалық одақ елдеріне ұшуға қойылған шектеу 2014 жылы алынып тасталды. Азаматтық авиация комитеті ИКАО-ның сенімділікті тексеру миссиясын өткізуге дайын екені туралы хат жіберді.
Министрлік еліміздегі республикалық және облыстық маңызы бар 18 әуежайдың 13-інің, яғни Ақтөбе, Атырау, Қызылорда, Павлодар, Астана, Ақтау, Алматы, Карағанды, Шымкент, Жезқазған, Тараз, Талдықорған, Көкшетау әуежайларының ұшып-қону жолақтарына қайта жөндеу жұмыстары жүргізілгенін хабарлады. "Ал Семей, Қостанай, Өскемен қалаларындағы әуежайлардың ұшып-қону жолақтарын 2020 жылға дейін қайта жөндеу көзделіп отыр", - деді Бекен Сейдахметов.
