Қазақстан әуе компанияларының табысы 41 пайызға төмендеді - сарапшылар

Иллюстрациялық фото: Тұрар Қазанғапов

Қазақстандағы авиакомпаниялардың табысы бір жылда 41 пайызға азайды. Бұл ретте жолаушыларды тасымалдау қызметінің бағасы да біршама төмендеді, - деп хабарлайды Tengrinews.kz тілшісі Finprom.kz сайтына сілмете жасап.

Қазақстандағы авиакомпаниялардың табысы бір жылда 41 пайызға азайды. Бұл ретте жолаушыларды тасымалдау қызметінің бағасы да біршама төмендеді, - деп хабарлайды Tengrinews.kz тілшісі Finprom.kz сайтына сілмете жасап.

Сарапшылардың мәліметінше, 2021 жылдың қаңтарында ел авиакомпанияларының табысы 19,6 миллиард теңге болды. Бұл бір жыл бұрынғыға қарағанда 40,8 пайызға аз. Оның ішінде 17,9 миллиард теңге жолаушылар тасымалынан, 1,7 миллиард - жүк тасымалынан түскен.

"Биыл қаңтарда елімізде 592,1 мың адам тасымалданды. Жолаушылар айналымы жылына 38,7 пайызға қысқарды", - деп толықтырды олар.

Былтырмен салыстыратын болсақ, сарапшылар 2020 жылдың қаңтарында табыс 33,1 миллиард теңгеге жеткенін атап өтті.

Ал қаңтарда әуе көлігімен жолаушылар тасымалдау қызметінің бағасы бір айда 1,1 пайызға, бір жылда 5,9 пайызға төмендеді.

Сонымен қатар, 2021 жылдың қаңтарында ел әуе компаниялары 2,5 мың тонна жүк пен багаж тасымалдаған, бұл бір жыл бұрынғыға қарағанда 34,1 пайызға көп.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!

әуежай Ұшақ Авиация әуекомпания Табыс Статистика