1. Басты
  2. Біл
  3. Жаңалықтар
  4. Ел жаңалықтары

Қазақстан халқының саны 17,5 миллионға таяп қалды15 мамыр 2015, 17:33

© Марат Әбілов © Марат Әбілов

Қазақстан халқының саны 17,5 миллионға таяп қалды, - деп хабарлайды Tengrinews.kz тілшісі ҚР ҰЭМ Статистика комитетінің баспасөз қызметіне сілтеме жасап.

Баспасөз қызметінің мәліметінше, 1 сәуірдегі жағдай бойынша, еліміздегі халықтың саны 17 476,1 мың адамға жетті, соның ішінде қалалықтар - 9 916,6 мың (56,7 пайыз), ауылдықтар - 7 559,6 мың адам (43,3 пайыз). Халық саны 2014 жылғы 1 сәуірмен салыстырғанда 255 мың адамға немесе 1,48 пайызға өсті.

АХАТ органдарының мәліметіне қарағанда, 2015 жылғы қаңтар-наурызда туылғандар саны - 92,1мың адам, ол 2014 жылғы қаңтар-наурызға қарағанда 0,8 пайызға төмен. Ал бұл кезеңде қайтыс болғандар саны - 33,3 мың адам, 2014 жылы қаңтар-наурыз айларында көрсеткіш дәл осындай болған.

Сонымен қатар, 2015 жылы қаңтар-наурызда 30,3 мың неке қиылды, ол өткен жылғы көрсеткіштен 4,1 пайызға төмен. Ал ажырасқандардың қатары 12 мыңға жетті, ол өткен жылғы кезеңмен салыстырғанда 3,4 пайызға жоғары.