Қазақстанның Ұлттық статистика бюросы 1 қарашадағы жағдай бойынша халық саны туралы мәліметтерді жариялады, - деп хабарлайды Tengrinews.kz тілшісі.
Ұлттық бюро мәліметінше, 1 қарашада Қазақстан халқының саны - 20 243 981 адам. 1 қаңтармен салыстырғанда қазақстандықтар саны 210 139 адамға көбейген.
Қазақстан қалаларында да халықтың өсімі байқалады. Ең халқы тығыз қала – Алматы, онда 1 қарашадағы жағдай бойынша 2 280 296 адам болған (жыл басында – 2 228 675 адам). Одан кейін Астана – 1 511 807 адам (жыл басында – 1 430 105 тұрғын) және Шымкент – 1 249 581 адам (жыл басында – 1 222 066 тұрғын).
1 миллионнан астам адам Түркістан облысында (1 қарашада – 2 154 461 адам), Алматы облысында (1 554 695 адам), Жамбыл облысында (1 222 835 адам) және Қарағанды облысында (1 134 132 адам) тұрады.
Қалаларда 1 қарашадағы жағдай бойынша 12 727 404 қазақстандық өмір сүреді. Ал 7 516 577 адам ауыл тұрғындары болып табылады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
