+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Калифорниядағы АҚШ-тың федерал апелляциялық соты Қазақстанның Виктор Храпуновтың ісіне қатысты позициясын қолдады, - деп хабарлайды Tengrinews.kz тілшісі ҚР Әділет министрлігінің баспасөз қызметіне сілтеме жасап.
Калифорниядағы АҚШ-тың федерал апелляциялық соты Қазақстанның Виктор Храпуновтың ісіне қатысты позициясын қолдады, - деп хабарлайды Tengrinews.kz тілшісі ҚР Әділет министрлігінің баспасөз қызметіне сілтеме жасап.
2014 жылы Алматы қаласының әкімдігі Калифорния штатының сотына қаланың бұрынғы әкімі Виктор Храпуновқа қатысты арыз қалдырған болатын. Әкімдіктегілер арызында Храпуновтың ұйымдасқан қылмыстық топпен күрес пен жемқорлықпен күреске қатысты заңбұзушылықтары жайлы, сондай-ақ, Алматы қаласы тұрғындарының мүдделеріне және пайдасына қызмет ету жөніндегі міндеттерді бұзу, біреудің мүлігін заңсыз иеленіп алу мен сол мақсаттарда алдын ала келісім бойынша қылмыс жасауы сияқты заңбұзушылықтарды көрсеткен.
Әділет министрлігінің баспасөз қызметінің мәліметінше, Храпуновтар мен оның жалған компаниялары алдын ала мәлімет бойынша, Алматыдағы бюджеттен жымқырған қаражаттары арқылы Калифорниядағы жылжымайтын мүлік нысандары мен қымбат көліктерді сатып алған. Алайда кейін бұл мәлімдемені Калифорния штатының аймақтық соты қараудан бас тартқан еді.
Содан Алматы әкімдігі мен ҚР Әділет министрлігіндегілер Калифорния штатының апелляциялық сотына наразылық білдіріп, өтініш қалдырды. Осылайша екінші инстанциялы сот Қазақстан Республикасының бұл өтінішін қанағаттандырып, Аймақтық соттың шешімін өзгертті.
"Қазақстан Республикасы АҚШ-тың сотын өз позициясының дұрыс екендігіне көз жеткізе білді. Аталған шешім жемқорлықпен күрес саласындағы үздіксіз жұмыстың нәтижесі болып табылады. Енді Алматы қаласының Храпуновтарға қарсы шағымы Калифорния сотында қарастырылатын болады.", - деді Әділет министрлігіндегілер.
Еске салайық, Алматының бұрынғы әкімі Храпуновты 2014 жылы сотқа берген еді. Дереккөзі таратқан ақпаратқа қарағанда, сотқа шағымданушы жақ айыпталушының есеп-шоттарын жауып, заңсыз жолмен табылған қаржынының барлығын Алматының қазынасына қайтару керектігін мәлімдеген.
Виктор Храпунов пен оның әйелі Ләйлә Храпуноваға қатысты Қазақстанда ұзын саны 24 қылмыстық іс қозғалып, қызмет бабын асыра пайдаланды, алаяқтық жолмен бюджет қаржысын жымқырды, заңсыз жекешелендіру жүргізді, заңсыз кірістерді заңдастырып алды, пара алды, ұйымдасқан қылмыстық топты құрды және оларға жетекшілік етті деген айып тағылған болатын. 2008 жылғы сәуірде ол қазір отбасымен тұрып жатқан Швейцарияға қоныс аударған болатын. Ал 2012 жылы қазанда Виктор Храпуновтың әйелі - Ләйләға ірі көлемді алаяқтық жасағаны үшін халықаралық іздеу жарияланған еді.
