+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Бүгін Мәжіліс депутаттары өнертабыстарды құқықтық қорғау саласындағы мемлекетаралық құпияның сақталуын өзара қамтамасыз ету туралы келісімнің қолданылуын тоқтататын заң жобасын қабылдап, Сенатқа жіберді, - деп хабарлайды Tengrinews.kz тілшісі.
Бүгін Мәжіліс депутаттары өнертабыстарды құқықтық қорғау саласындағы мемлекетаралық құпияның сақталуын өзара қамтамасыз ету туралы келісімнің қолданылуын тоқтататын заң жобасын қабылдап, Сенатқа жіберді, - деп хабарлайды Tengrinews.kz тілшісі.
Қазақстан бұл келісімді 2001 жылы ратификациялаған. Құжат ТМД құрамындағы мемлекеттерде бар құпия өнертабыстар туралы ақпараттың құпиялылық режимін қамтамасыз ету, сондай-ақ құқықтық қорғау және КСРО-да жасалған құпия өнертабыстарды құпиясыздандыру тәртібін белгілеу үшін әзірленген.
Мәжілісте айтылған мәлімет бойынша, ТМД құрамындағы мемлекеттерде келісімнің барлық қолданылу кезеңінде КСРО-да іс жүргізу аяқталмаған және қорғау құжатының қолданылу мерзімі аяқталмаған құпия өнертабыстардың қорғау құжаттарын беру туралы бірде-бір өтініш берілмеген. Сондай-ақ, құпия өнертабыстарды құпиясыздандыру бойынша бірде-бір жағдай тіркелген жоқ.
Келісімнің маңызы жоқтығына байланысты 2018 жылы ТМД атқарушы комитеті оны тоқтату туралы шешім қабылдады. Үш жылдан кейін тиісті хаттамаға қол қойылды. Депутаттар оны одан әрі ратификациялау теріс әлеуметтік-экономикалық және құқықтық салдарға әкеп соқпайтынын, республикалық бюджеттен қосымша қаржылық шығындарды талап етпейтінін атап өтті.
Нәтижесінде мәжілісмендер тиісті заң жобасын қабылдап, Сенатқа жолдады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
