+7 (777) 001 44 99
Қазақша
Русский
English
Қазақстан Қытай және Өзбекстанмен су ресурстарын дамыту туралы келісімдерге қол қояды. Бұл туралы үкімет отырысында Су ресурстары және ирригация министрі Нұржан Нұржігітов мәлім етті, - деп хабарлайды Tengrinews.kz тілшісі.
Министрдің айтуынша, құжаттарға қол қою мемлекетаралық су қатынастарын дамыту үшін қажет.
"Қазақстан мен Өзбекстан үкіметтері арасында трансшекаралық су нысандарын бірлесіп басқару және пайдалану туралы, сондай-ақ Қазақстан мен Қытай арасындағы трансшекаралық өзендерде су бөлу туралы келісімдерге қол қою жоспарланған", - деді Нұржігітов.
Шенеунік халықаралық ынтымақтастықтың маңызды құрамдас бөлігі Орталық Азиядағы су-энергетикалық ынтымақтастық механизмін дамыту болып табылатынын атап өтті.
Нұржан Нұржігітов "Халықаралық су ағындарын навигациялық емес пайдалану құқығы туралы конвенцияны ратификациялау туралы" заң жобасы Сенаттың қарауына жіберілгенін еске салды.
"Конвенция бүкіл әлем бойынша трансшекаралық өзендерді, көлдерді және олармен байланысты жер асты суларын әділ және тұрақты басқаруға жәрдемдесудің жаһандық құқықтық механизмін білдіреді. Конвенцияның тараптары - 37 ел. Қазақстанмен шектес мемлекеттер ішінен конвенция тарабы тек Өзбекстан болып табылады", - деді министрлік басшысы.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
