+7 (777) 001 44 99
Қазақша
Русский
English
Қазақстанның бас санитария дәрігері міндетін атқарушы Айжан Есмағамбетова білім беру ұйымдарындағы шектеулерді алып тастауды көздейтін қаулыға қол қойды, - деп хабарлайды Tengrinews.kz тілшісі.
Есмағамбетова облыстардың, Алматы, Нұр-Сұлтан, Шымкент қалаларының әкімдеріне, Білім және ғылым министрлігіне 2022 жылғы 14 ақпаннан бастап барлық меншік нысанындағы және ведомствоға бағынысты білім беру ұйымдарында күндізгі оқыту форматын қамтамасыз етуді тапсырды.
Барлық меншік нысанындағы білім беру ұйымдары басшыларына "2021-2022 оқу жылында білім беру ұйымдарында коронавирус инфекциясының алдын алу бойынша санитариялық-эпидемияға қарсы және санитариялық-профилактикалық іс-шаралар жүргізу туралы" бас санитария дәрігердің 2021 жылғы 25 тамыздағы № 36 қаулысының және "Білім беру объектілеріне қойылатын санитариялық-эпидемиологиялық талаптар" санитария қағидаларын қатаң сақтауды қамтамасыз ету тапсырылды.
Қаулы қол қойылған күнінен бастап күшіне енеді.
Бұған дейін мектеп оқушылары 14 ақпаннан бастап дәстүрлі форматқа көшетіні хабарланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
