Қазақстан президенттігіне үміткерлердің теледебатына қанша қаражат жұмсалады?

Орталық сайлау комиссиясы Қазақстан президенттігіне үміткерлердің теледебаттарына қанша ақша жұмсалатынын айтты, - деп хабарлайды Tengrinews.kz тілшісі.

""Хабар" телеарнасының өтініші бойынша 63 миллион теңге ұсынылды", - деп жауап берді ОСК мүшесі Анастасия Щегорцова.

"Хабар" агенттігінің басқарма төрағасының орынбасары Дәулетхан Жиенқұлов бұл қаражаттың нақты не үшін жұмсалатынын айтты.

"Студияны ұйымдастыру, жарықтандыру, тікелей эфир кезіндегі байланыс, қосымша кадрларды жұмысқа алуға кетеді", - деді ол.

Еске салайық, Орталық сайлау комиссиясының өкілдері Қазақстан президенттігіне үміткерлердің дебаты 11 қарашада өтетінін мәлімдеген болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!