+7 (777) 001 44 99
Қазақша
Русский
English
Қазақстан Сауд Арабиясына коронавирусқа қарсы QazVac вакцинасын бірлесіп өндіруді ұсынды. Бұл туралы Қазақстан Сауда және интеграция министрлігінің баспасөз қызметі мәлім етті, - деп хабарлайды Tengrinews.kz тілшісі.
Бұл ұсыныс Нұр-Сұлтанда өтіп жатқан Қазақстан-Сауд инвестициялық бизнес-форумында айтылды.
"Егер Сауд Арабиясы мүдделі болса, Қазақстан QazVac вакцинасын Сауд Арабиясына жеткізу мүмкіндігін, сондай-ақ оның корольдік аумағында бірлескен өндірісті қарастыруға дайын", - делінген хабарламада.
Сауда министрлігі мәліметінше, Алматы-Джидда бағыты бойынша тұрақты тікелей рейстер қазанда қайта басталады. Сондай-ақ, қазақстандық тарап жақын арада Сауд Арабиясы азаматтары үшін визасыз режимді қалпына келтіруге ниетті.
Халықаралық сапарларға шектеулерді алып тастау үшін министрлік екпе төлқұжаттарын өзара тануды қолдайды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
