+7 (777) 001 44 99
Қазақша
Русский
English
Қазақстанда рулі оң жақтағы көліктерді бөлшектелген түрде әкелуге уақытша тыйым салынды. Тиісті бұйрық "Қазақстанның нормативтік құқықтық актілерінің электрондық түрдегі стандартты бақылау банкі" порталында жарияланды, - деп хабарлайды Tengrinews.kz тілшісі.
Индустрия және құрылыс министрінің 2023 жылғы 29 желтоқсандағы бұйрығы бойынша, Қазақстанға 6 ай мерзімге рулі оң жақтағы көліктерді әкелуге тыйым салынған.
Ведомство мәліметінше, бұйрық "Сауда қызметін реттеу туралы" заңның 17 және 18-баптарына, сондай-ақ Еуразиялық экономикалық одақ туралы шарттың 29 және 47-баптарына сәйкес қабылданған.
"Қазақстан Республикасы аумағына рулі оң жақтағы бөлшектелген жеңіл автокөліктерді алты ай мерзімге әкелуге тыйым салынсын", - делінген құжатта.
Бұйрық алғашқы ресми жарияланған күнінен кейін күнтізбелік он күн өткен соң, яғни 2024 жылғы 16 қаңтарынан бастап қолданысқа енгізіледі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
