+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
ҚР Сыртқы істер министрлігі Украинаның оңтүстік-шығысындағы жағдайдың ушығуына байланысты мәлімдеме жасады, - деп хабарлайды Тengrinews.kz тілшісі ведомствоның баспасөз қызметіне сілтеме жасап.
ҚР Сыртқы істер министрлігі Украинаның оңтүстік-шығысындағы жағдайдың ушығуына байланысты мәлімдеме жасады, - деп хабарлайды Тengrinews.kz тілшісі ведомствоның баспасөз қызметіне сілтеме жасап.
"Украинадағы қақтығыстың ушығуына байланысты, әсіресе, бейбіт тұрғындардың қаза табуына әкелген атыстарға ерекше алаңдаушылығымызды білдіреміз. Украинаның оңтүстік-шығысындағы дағдарысты жағдайды реттеуде бейбіт келіссөздерден басқа жол жоқ екеніне кәміл сенімдіміз. Тараптарды қақтығысты жағдайды барлық қатысушылар өз мойындарына алған міндеттерді орындауға, соның ішінде Минск келісімдерінде көзделген міндеттерге негізделген бейбіт жолмен шешуге шақырамыз", - делінген мәлімдеме.
Қазақстан украин дағдарысын реттеу мақсатында тараптарға қолайлы кез келген форматта және кез келген уақытта келіссөздер өткізу үшін өз алаңын ұсынуға дайын. Еске сала кетейік, 24 қаңтар күні Украинаның Мариуполь қаласында жаудырылған оқтан 30 адам қаза тапқан болатын. ЕҚЫҰ миссияларының мәліметінше, оқ ДХР жасақтарының бақылауындағы аумақтардан атылған. Украина тарапы оқиғаға халық жасақтарын кінәлайды, ДХР өкілдері, керісінше, бәрін украин күш құрылымдарынан көріп отыр. Украина президенті Петр Порошенко 26 қаңтар күні Мариупольді террористердің атқылағанын дәлелдейтін толық есепті жария етуге уәде берді.
