Қазақстанда алдағы күндері ауа райы қандай болады?

Фото ©️ Tengrinews.kz / Турар Казангапов

"Қазгидромет" 22-24 наурызға арналған ауа райы болжамын жариялады, - деп хабарлайды Tengrinews.kz тілшісі.

Синоптиктер республиканың басым бөлігінде тұрақсыз ауа райы сақталатынын болжады.

Олардың мәліметінше, батыс, оңтүстік және оңтүстік-шығыс аймақтарда жаңбыр жауады, ал солтүстік, шығыс және орталық өңірлерде жаңбыр мен қар аралас жауын-шашын, боран, көктайғақ және тұман күтіледі.

Тек Батыс Қазақстан және Ұлытау облыстарында жауын-шашынсыз ауа райы болжанған.

Шығыс Қазақстанда 22 наурызда жауын-шашын күтіледі.

"23-24 наурызда Маңғыстау облысында жаңбыр жауады, ал 24 наурызда Түркістан, Жамбыл, Алматы және Жетісу облыстарында жауын-шашын болады", - делінген хабарламада.

Алдағы күндері елдің әртүрлі өңірлерінде температура төмендеп, кей жерлерде минус көрсеткішке дейін жетеді.

Батыста түнгі температура 0-5 градустан 3-8 градус аязға дейін төмендейді, ал күндіз 10-15 градустан 7-12 градус жылылыққа дейін түседі.

Оңтүстік-батыста түнде температура 2-10 градустан 0-8 градусқа дейін төмендейді, күндіз 10-18 градустан 5-13 градусқа дейін түседі.

Солтүстік-батыста түнгі температура 3-10 градус аяз, күндіз 2-12 градус жылы болады.

Солтүстікте түнгі температура 5-12 градус аяздан 0-8 градус аязға дейін жоғарылайды, ал күндіз 0-5 градус жылылықтан 0-5 градус аязға дейін төмендейді.

Орталықта түнде 2-10 градус аяз, күндіз 0-8 градустан 0-5 градус аязға дейін салқындайды, ал өңірдің оңтүстігінде 1-6 градус жылы болады.

Шығыста түнгі температура 0-5 градустан 3-12 градус аязға дейін төмендейді, ал күндіз 2-7 градус жылылықтан 3 градус аяз – 2 градус жылылыққа дейін төмендейді.

Оңтүстікте түнде 3-15 градус жылы, ал күндіз температура 17-26 градустан 8-18 градусқа дейін төмендейді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Ауа райы Болжам