+7 (777) 001 44 99
Қазақша
Русский
English
30 наурыз 2021 | 17:00
Қазақстанда бензин қаншалықты қымбаттады?
Бәсекелестікті қорғау және дамыту агенттігі өткен айда АИ-92 бензинінің бағасы қалай өзгергенін айтты, - деп хабарлайды Tengrinews.kz тілшісі.
ПОДЕЛИТЬСЯ
Бәсекелестікті қорғау және дамыту агенттігі өткен айда АИ-92 бензинінің бағасы қалай өзгергенін айтты, - деп хабарлайды Tengrinews.kz тілшісі.
Деректер 2021 жылы наурыздың басында және соңында болған бағаларды салыстыру арқылы ұсынылған. Бұл өңірлер мен Республикалық маңызы бар қалалардағы орташа көрсеткіштер.
АИ-92 бензині еліміздегі барлық өңірінде қымбаттады. Нұр-Сұлтанда бензин 5-9 теңгеге, Шымкентте 5-10 теңгеге қымбаттаған. Алматыда орташа баға литріне 150-153 теңгеден 159 теңгеге дейін көтерілді.
АИ-92 маркалы бензинінің ең қымбат бағасы Шығыс Қазақстан, Қостанай және Солтүстік Қазақстан облыстарында тіркелген. Онда орташа баға литріне 163 теңге. Бензиннің ең төменгі бағасы Түркістан және Батыс Қазақстан облыстарында байқалады, онда АИ-92 жанармайының бір литрі жүргізушілерге 152 теңгеге сатылады.
Айта кетейік, бензин 29-30 наурызда Нұр-Сұлтанның бірнеше жанармай бекетінде қымбаттаған болатын.
Энергетика министрлігі жанармай нарығындағы жағдайға түсініктеме берді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
Показать комментарии
Читайте также
