"Қазгидромет" РМК синоптиктері 21-23 тамызға арналған ауа райы болжамын ұсынды, - деп хабарлайды Tengrinews.kz тілшісі.
Болжамға сәйкес, ауқымды антициклон Қазақстан аумағының басым бөлігінде ауа райына әсерін сақтайды. Негізінен жауын-шашынсыз ауа райы күтіледі. Тек солтүстік-шығыс пен батыстан фронталь бөліктердің өтуіне байланысты өткінші жаңбыр жауып, күн күркірейді.
"Оңтүстік өңірлерде құмды дауылмен жел күшейеді. Ауа температурасы күндіз солтүстікте, орталықта - 23...35 градус, оңтүстік және оңтүстік-шығыста - 28...39 градус, шығыста - 17 ... 28 градус болады. Елдің батысында әлі де ыстық ауа райы сақталады және сынап бағанасы 33 ... 41 градусты көрсетеді", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
