18 тамыз 2017 | 12:22

Қазақстанда ескі көліктерге берілетін ақшалай өтемақы уақытша тоқтатылды

Ардақ Құлтаев

Қазақстанда ескі көліктерге берілетін ақшалай өтемақы уақытша тоқтатылды, - деп хабарлайды Tengeinews.kz тілшісі "ӨКМ Операторы" ЖШС баспасөз қызметіне сілтеме жасап.

Қазақстанда ескі көліктерге берілетін ақшалай өтемақы уақытша тоқтатылды, - деп хабарлайды Tengeinews.kz тілшісі "ӨКМ Операторы" ЖШС баспасөз қызметіне сілтеме жасап.

2017 жылдың 16 тамызынан бастап тозығы жеткен көлік құралдарын тапсырғандарға берілетін ақшалай өтемақы уақытша тоқтатылғандығын жеткіземіз. Бұған, ҚР энергетика Министрлігінің 2017 жылға бөлген квота саны мерзімінен бұрын игеріліп отырғандығы себеп болып отыр. Қазіргі уақытта "ӨКМ Операторы" ЖШС ҚР энергетика Министрлігіне ескі көліктердің құнын өтеу Бағдарламасы бойынша қосымша квота бөлу жөнінде сұрау-хат жолдады. Көлік тапсырушылар үшін қажетті ақпараттар "ӨКМ Операторының" auto.recycle.kz⁠⁠⁠⁠ ресми сайтында және әлеуметтік желідегі ресми парақшасында жарияланатын болады", - делінген ресми сайтта.

Еске салайық, жаңа көлікті сатып алуға жеңілдік беретін сертификат бағдарламасы Қазақстанда белсенді жұмыс істеп тұр. Бағдарлама аясында жеңіл, жолаушылар және жүк көлігін өткізіп, 315 мың теңгеден 650 мың теңгеге дейінгі жеңілдік сертификатын алуға болады. Толық ақпаратты auto.recycle.kz сайтынан немесе Сall Center 8 800 080 0865 білуге болады.

Көлік саласы Автокөліктер

TENGRI travel