+7 (777) 001 44 99
Қазақша
Русский
English
"Қазгидромет" синоптиктері 21-23 қаңтар аралығында Қазақстан аумағында ауа райы қандай болатынын болжады, - деп хабарлайды Tengrinews.kz тілшісі.
Ауа райы болжамына сәйкес, 21-22 қаңтар күндері солтүстік-батыс циклонының әсерінен елдің көп бөлігінде жауын-шашын болады: солтүстік өңірлерде қар, кей жерлерде қалың қар жауады; шығыста, оңтүстікте және оңтүстік-шығыста жаңбыр мен қар түрінде қатты жауын-шашын күтіледі.
Сонымен қатар, республика бойынша боран, көктайғақ, тұман, желдің жылдамдығы 15-28 м/с-қа дейін күшеюі күтіледі. Шығыс, оңтүстік және оңтүстік-шығыс өңірлерде желдің жылдамдығы 30 м/с және одан да жоғары болуы мүмкін.
"Алайда ылғалды циклонның артынан суық антициклон жылжиды, ол ел бойынша ауа температурасының күрт төмендеуіне алып келеді: солтүстік жартысында минус 25-35 градусқа дейін, оңтүстік бөлігінде минус 15-25 градусқа дейін аяз болады", – делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
