+7 (777) 001 44 99
Қазақша
Русский
English
Премьер-министрдің орынбасары Ералы Тоғжанов Коронавирустың таралуына жол бермеу жөніндегі ведомствоаралық комиссия қатаң карантинді тағы екі аптаға созу туралы шешім шығарғанын айтты, - деп хабарлайды Tengrinews.kz тілшісі.
"Негізгі міндет - қабылданған шаралардан тиімді нәтиже алу. Осыған байланысты Президент Қасым-Жомарт Тоқаевтың тапсырмасы бойынша Премьер-Министрдің төрағалығымен Мемлекеттік комиссия карантин шараларын екі аптаға ұзарту туралы шешім қабылдады. Үкімет өңірлер мен әкімдіктерімен бірлесіп күнделікті негізде елдегі эпидемиологиялық жағдайға мониторингті және жағдайды жақсарту үшін қажет шешімді шығарады", - деді Тоғжанов ОКҚ брифнгінде.
"Бүгінде кәсіпкерлік субъектілерінің алдын ала тізбесі қалыптастырылды, олардың жұмысын карантиндік шаралар аяқталғаннан кейінгі бірінші кезеңде қалпына келтіру жоспарланып отыр. Бұл СОО, сауда желілері, жабық азық-түлік және азық-түлік емес базарлар, сұлулық салондары, балалар оңалту, білім беру орталықтары, үйірмелер, балабақшалар", - деп атап өтті вице-премьер.
Оның айтуынша, алдағы екі аптада - кәсіпкерлік субъектілеріне күшейтілген дайындық жұмыстарын жүргізуге мүмкіндік беріледі.
"Әрбір нысан бойынша санитарлық режимнің нақты шаралары қабылданады", - деді Тоғжанов.
Қазақстан жаңалықтары. Соңғы жаңалықтар. Telegram желісінде бізге жазыл!
