+7 (777) 001 44 99
Қазақша
Русский
English
Whatsapp мессенджерінде балалар арасында Кавасаки ауруы таралғаны туралы ақпарат пайда болды. Денсаулық сақтау министрлігі хабарламаны жоққа шығарды, - деп хабарлайды StopFake.
Қазақстандық желі қолданушылары арасында тағы бір ақпарат таралды. Бұл жолы өзін дәрігермін деп таныстырған әйел аудиохабарлама арқылы балалар арасында Кавасаки ауруы өршіп тұрғанын айтқан. Хабарламада денесінде бөртпесі бар нәрестелердің суреті болған.
Денсаулық сақтау министрлігі COVID-19 жұқтырған балалар арасында Кавасакиге ұқсас синдром немесе мультисистемалық қабыну (MVS) жағдайлары елде шынымен тіркелгенін айтты. Алайда ауру өршіп тұрған жоқ.
"MVS - COVID-19 жұқтырған балаларда кездесетін иммундық көрініс. Синдром коронавирус жұқтырып жазылғанан кейін 4-6 аптада пайда болуы мүмкін. Қазір Кавасакидің өршуі және ұқсас синдром тіркелген жоқ. Бірақ егер коронавирус жұқтырған балалар саны көбейсе, MVS тіркелуі мүмкін. Сондықтан эпидемияға қарсы барлық шараны сақтау қажет", - деді Денсаулық сақтау министрлігі өкілдері.
Сонымен қатар мамандар Кавасаки ауруы мен Кавасаки тәрізді синдром бірдей емес екенін айтты. COVID-19 жұқтырып, аурудан жазылғанан кейінгі Кавасаки синдромының дамуы бүкіл әлемде сирек кездеседі. Ал балаларда пайда болған Кавасакиге ұқсас синдром көп жағдайда оңай емделеді.
Еске салайық, былтыр Қазақстанда Кавасакиге ұқсас синдромнан екі бала қайтыс болған еді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
