+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қазақстандағы көлік салығы бензиннің акциз құнына қосу арқылы жойылуы мүмкін. Бұл туралы Ұлттық экономика вице-министрі Азамат Әмірин айтты, - деп хабарлайды Tengrinews.kz тілшісі.
Қазақстандағы көлік салығы бензиннің акциз құнына қосу арқылы жойылуы мүмкін. Бұл туралы Ұлттық экономика вице-министрі Азамат Әмірин айтты, - деп хабарлайды Tengrinews.kz тілшісі.
Вице-министрдің айтуынша, бұл мәселе бүгін жаңа Салық кодексін қарау аясында талқыланып жатыр.
"Шынында да, көлік салығын бензиннің акциз құнына ауыстыру мүмкіндігі талқыланып жатыр. Бірақ мұнда мұқият болу керек, сондықтан біз оны саралаймыз. Қозғалтқышының көлемі төрт литрге дейін немесе 3,5-ке дейінгі автокөліктер үшін көлік салығын алып тастау талқыға салынды. Қазір қосымша есептеу жүргізіп жатырмыз. Біз шамамен 80 миллиард теңге көлік салығын, шамамен 5 миллион тонна мұнай өнімдерін жинаймыз. Егер біреуін екіншісіне бөлсек, көлік салығын бензин акцизіне көшірсек, бұл салықты алу үшін акциз 14 теңгеге қымбаттауы керек", - деді Әміриыын.
Сонымен қатар, вице-министрдің сөзінше, мұндай қадам арқылы қозғалтқышы үлкен көлік құралдарының иелеріне жүктеме азайып, керісінше шағын көлемді көліктердің иелері үшін көбейеді. Осыған байланысты басқа нұсқалар да талқыланады.
"Мысалы, қозғалтқыш көлемі 1,6 литр болатын көлікті алайық - шағын Hyundai Accent - жылдық салығы шамамен 7 мың теңге, ал көлік салығы шамамен 700 мың теңге болатын Lexus 570 алайық. Тиісінше, шағын көлік салықты өтеу үшін бензинді көп тұтынуы керек. Егер біз бензиннің құнын 14 теңгеге көтерсек, онда көлік салығына бір жылда 30 мың теңге төлейді. Ал қозғалтқышы үлкен көліктің салығы бензин арқылы шамамен 300-350 мыңға жетеді. Сондықтан, бензинге көлік салығын аудару арқылы біз үлкен көліктері бар адамдарға жүктемені азайтамыз", - деді шенеунік.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
