"Қазгидромет" синоптиктері 7, 8 және 9 сәуірге арналған ауа райы болжамын ұсынды, - деп хабарлайды Tengrinews.kz.
Қазақстанда нөсер жауады
Метеорологтардың айтуынша, Қазақстанның басым бөлігінде тұрғындар көктемге тән құбылмалы ауа райын сезеді.
"Жаңбыр жауады, солтүстікте, солтүстік-батыста жауын-шашын (жаңбыр, қар), батыста, оңтүстікте кей уақыттарда нөсер жаңбыр, солтүстікте қатты жауын-шашын күтіледі. Республика бойынша жел күшейіп, Қазақстанның батысы мен оңтүстігінде бұршақ жауып, дауыл тұруы мүмкін", - деді синоптиктер.
Тек елдің шығысында ғана жауын-шашынсыз ауа райы сақталады. Түнде және таңертең тұман түсуі ықтимал.
Температура көрсеткіштері қандай болмақ?
Қазақстанның солтүстігі мен солтүстік-батысында күндіз ауа температурасы 3-15 градус жылыға дейін төмендейді деп күтіледі.
