+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Оқу-ағарту министрлігі аз қамтылған отбасыларға мектеп формасы мен керек-жарақ сатып алуға берілетін көмек көлемін ұлғайту туралы бастама көтерді, - деп хабарлайды Tengrinews.kz тілшісі.
Оқу-ағарту министрлігі аз қамтылған отбасыларға мектеп формасы мен керек-жарақ сатып алуға берілетін көмек көлемін ұлғайту туралы бастама көтерді, - деп хабарлайды Tengrinews.kz тілшісі.
Балалар жылында Оқу-ағарту министрлігі "Жалпыға міндетті білім беру" қоры аясында оқушыларға көрсетілетін материалдық көмек ережелеріне өзгерістер енгізген. Халықтың әлеуметтік осал санатындағы 400 мыңнан аса бала мемлекеттен қаржылай қолдауға ие болатыны айтылған.
"Бұған дейін бөлінген сома 17 мыңнан 40 мың теңгеге дейін болса, биыл Оқу-ағарту министрлігінің өтініші бойынша өзгерістер енгізілді. Енді көмек мөлшері ең төменгі күнкөріс деңгейінен, яғни 37 389 теңгеден төмен болмауы керек", - делінген хабарламада.
Сондай-ақ, жергілікті атқарушы органдардың ұсынысымен көмек көрсету тетігіне өзгерістер енгізілген. Енді ақша ата-аналарға балаларымен бірге мектеп формасын, аяқкиімін, кеңсе тауарларын және т.б. өз бетінше таңдай алуы үшін беріледі. Бұған дейін мұның бәрін әкімдіктер сатып алатын және тауар көлеміне, сапасына және т.б. байланысты мәселелер туындайтын.
"Жалпыға міндетті білім беру" қорының аясында атаулы әлеуметтік көмек (АӘК) алатын отбасылардың балаларына, сондай-ақ АӘК алмайтын, бірақ жан басына шаққандағы орташа табысы күнкөріс деңгейінен төмен отбасылардың балаларына материалдық көмек көрсетіледі", - делінген хабарламада.
Сондай-ақ, жаңа оқу жылы қарсаңында жетім және ата-анасының қамқорлығынсыз қалған балалар, төтенше жағдайға тап болған оқушылар және т.б. материалдық көмек алады.
"Мектептерді қаржыландыруды, оның ішінде оқушыларды қолдауды әкімдіктер жүзеге асыратындықтан, биыл олар қаржылай көмек алуға тиісті барлық балаларға кемінде 37 389 теңге көлемінде қаражат бөледі. Бұл ең төменгі сома, ал бұрын сомалар әртүрлі болды - 17 мың, 20 мың және 25 мың теңгеге дейін жетуі мүмкін еді. Бүгінде ең төменгі мөлшерден артық қаржы бөлетін жергілікті атқарушы органдар да бар. Біз бұны тек құптаймыз. Қаражаттың ұлғаюы бұл көмекті алатын 418 мыңнан астам балаға оң әсер етеді", - деді Оқу-ағарту министрлігі Балалардың құқықтарын қорғау комитеті төрағасының орынбасары Дулат Жекебаев.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
