Қазақстанда өкілдігі жоқ шетелдік арналарға тыйым салынады

23 Қараша 2016, 14:40
0
Қазақстанда өкілдігі жоқ шетелдік арналарға тыйым салынады - © Qamshy.kz
© Qamshy.kz

2017 жылдан бастап ҚР аумағында хабар тарататын арналардың Қазақстанда өкілдігі болуы міндеттеледі, Бұл туралы ҚР ақпарат және коммуникациялар министрі Дәурен Абаев мәлімдеді, - деп жазады Tengrinews.kz тілішісі.

"2017 жылдан бастап әрбір шетелдік арнаны Қазақстанда өкілдігінің болуын міндеттейтін норма күшіне енеді. Мен күз бойына өкілдік жетекшілері, арна басшылары, соның ішінде шетелдік арналардың өкілдерімен кездесу өткіздім. Өкілдік жетекшісі Қазақстан азаматы болуы керек. Біз қарым-қатынас жасап тұратын нақты адам болады", - деді министр ҚР Президенті жанындағы Қазақстанның стратегиялық зерттеу институтының өкілдерімен кездесу барысында. 

Абаев шетелдік арналарды ғана тарататын "сұр тарелке" аталып кеткен жерсеріктік антенналардың жайын да сөз етті. "Бұл бағытта біршама жұмыс жүргізілуде, соның ішінде заңнамалық тұрғысынан да. Біз "сұр тәрелкелерге" тыйым салып, ал олардан футболдан ағылшын Премьер-лигасын көрсетіп жатса, онда отандық арналарға кабелді және жерсеріктік операторларға Премьер-лиганы көрсету құқығын алуға жағдай жасау керектігнін түсінеміз. Ал мұның артында бірқатар өзге мәселелер де бар - комментаторлық жұмыс, бейне сапасы, трансляция. Бұл бағыттар бойынша да жұмыстар жүргізіліп жатыр", - деп айта кетті Дәурен Абаев.

Еске салайық, 1 шілдеде шетелдік арналарға жарнама таратуға тыйым салатын норма күшіне енген болатын. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай