+7 (777) 001 44 99
Қазақша
Русский
English
Қазақстанда коронавирус пен пневмониядан сауыққандар саны 63 пайызға артты, - деп хабарлайды Tengrinews.kz тілшісі Денсаулық сақтау министрлігінің баспасөз қызметіне сілтеме жасап.
Ведомство мәліметінше, 1-25 шілде аралығында коронавирус пен пневмониядан сауыққан қазақстандықтар саны 63,8 пайызға артқан.
"COVID-19 жұқтырудың тәуліктік өсімі 4 пайыздан 2,1 пайызға дейін төмендеді;
Жедел жәрдем шақыру 35 пайызға қысқарды, оның ішінде КВИ бойынша 37 пайыз;
Реанимациялық төсек-орындармен қамтамасыз ету 73 пайыздан 57 пайызға дейін төмендеді;
Провизорлық және инфекциялық стационарлардың жүктемесі 54 пайызға дейін азайды;
Жазылып шыққандар саны 63 пайызға артты", - делінген хабарламада.
Айта кетейік, әлемде бір тәулікте COVID-19 жұқтырғандардың саны бойынша рекорд тіркелді. ДДҰ мәліметтері бойынша, 24 шілдеде кешке вирус анықталғандар саны 284 мыңнан асып, тағы 9,7 мыңнан аса адам қайтыс болған.
Қазақстан жаңалықтары. Соңғы жаңалықтар. Telegram желісінде бізге жазыл!
