+7 (777) 001 44 99
Қазақша
Русский
English
Эпидемиологиялық жағдайдың нашарлауына байланысты ел өңірлерінде санитар бекеттер қайта қойылады, - деп хабарлайды Tengrinews.kz тілшісі "Хабар 24" телеарнасына сілтеме жасап.
Телеарна мәліметінше, Ақтөбе облысының Ойыл ауданы қауіпті індеттің таралуы бойынша қызыл аймаққа енді. Осыған орай өңірдің бас санитар дәрігерінің қаулысы шығып, бірқатар нысанның жұмысына шектеу қойылды.
"Оның ішінде, дүкендер мен базарлар және өзге де ұйымдардың жұмыс тәртібі қаралған. Шаштараз, сұлулық салондары тұрғындарды алдын ала жазылу бойынша қабылдайды. Көпшіліктің қатысатын іс-шараларды ұйымдастыруға қатаң тыйым салынды.
Ал аудан орталығына кіреберісте санитарлық бекет орнатылып, кентке келетін және шығатын адамдарға сауалнама жүргізіледі. Ауру белгісі байқалғандар зертханалық тексеруден өту үшін екі тәулікке карантиндік стационарға жатқызылады. Оң нәтиже анықталса, инфекциялық емханаға бағытталады. Ал қорытындысы теріс болғандары үйде оқшаулануы тиіс", - делінген "Хабар 24" сайтында.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
