Жыл аяғына дейін қазақстандықтар арасында сұранысқа ие 7 мемлекеттік қызмет толықтай онлайн-форматқа көшіріледі. Бұл туралы цифрлық даму, инновациялар және аэроғарыш өнеркәсібі вице-министрі Дмитрий Мун мәлімдеді, - деп хабарлайды Tengrinews.kz тілшісі.
Вице-министрдің айтуынша, жақын арада үш қызметті цифрландыру жоспарланып отыр:
- автосалондардан сатып алынған автокөліктерді бастапқы тіркеу;
- азаматтарды тұрғылықты жері бойынша тіркеу;
- жер учаскесіне сәйкестендіру құжатын рәсімдеу.
2025 жылдың аяғына дейін бұларға тағы төрт қызмет қосылады:
- жылжымайтын мүлікті тіркеу;
- шетелдіктерге ЖСН алу;
- еңбек мигранттарына рұқсат беру;
- кадастрлық паспорттарды беру.
Вице-министрдің айтуынша, аталған қызметтердің толықтай онлайн-форматқа көшірілуі және қағазбастылықтан бас тарту ХҚКО-ларға түсетін жүктемені екі есеге жуық қысқартуға мүмкіндік береді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
