+7 (777) 001 44 99
Қазақша
Русский
English
Сенбіде Қазақстанның түкпір-түкпірінде техникалық қызмет көрсету үшін теледидар мен радио өшіріледі, - деп хабарлайды Tengrinews.kz тілшісі "Қазтелерадио" мәліметіне сілтеме жасап.
"2023 жылғы 23 желтоқсанда сағат 03:00-ден 17:00-ге дейін (Астана уақыты бойынша) "Қазмедиаорталығының" хабар тарату өзегін жаңғыртудың кезекті кезеңін аяқтау шеңберінде барлық технологиялық кешеннің желілік жабдығын ауыстыру жоспарланған. Сондай-ақ, "Қазтелерадио" АҚ спутниктік, цифрлық және аналогтық эфирлік желілерінің техникалық құралдарында сервистерді өшіре отырыппрофилактикалық жұмыс жүргізетін болады", - делінген хабарламада.
Осыған байланысты, көрсетілген уақыт кезеңінде эфирлік, кабельдік және спутниктік телерадио хабарларын тарату желілерінде теле-, радиоарналарды тарату тоқтайтыны туралы хабарланды.
"Қазтелерадио" уақытша қолайсыздық тудырғаны үшін кешірім сұрады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
