Қазақстанда тері обырының көбеюі ыстық елдерде демалудың сәнге айналуымен байланыстырылды

15 Мамыр 2015, 17:02
0
Қазақстанда тері обырының көбеюі ыстық елдерде демалудың сәнге айналуымен байланыстырылды - © REUTERS
© REUTERS

Ғалымдар Қазақстанда тері обырының көбеюін ыстық елдерде демалудың сәнге айналуымен байланыстырды, - деп хабарлайды Tengrinews.kz тілшісі. Мамандардың айтуынша, тері обыры, оның ішінде меланома ультракүлгін сәулелердің ұзақ әсерінен қозады. Сонымен қатар, ғалымдардың сөзіне қарағанда, күн сәулесінің өмір бойғы әсері жиналып, қосыла береді.

Сонымен қатар, меланомалардың дамуындағы басты рөл пигменттік дақ жарақаттарының әсеріне беріледі, атап айтқанда, бұл жерде әңгіме киімнің, аяқ киімнің қажауы, кесіп алған жаралар туралы болып отыр. Оларға терісі күнге тез күйетін аққұба терілі, секпілі және меңдері бар адамдар жатады. "Сонымен қатар жоғарғы қатер факторларына балалық және жасөспірім шақтағы күнге күю және жақын туыстардың арасында меланома дертіне шалдығу жағдайлары жатады", - дейді мамандар. Жыл сайын Қазақстанда меланомадан 150 адам көз жұмады. 2012 жылы 286 емделушіге меланома диагнозы қойылған, 2013 жылы дертке шалдыққандар саны 326-ға дейін артқан, 2014 жылы емделушілер саны 340 адам болды. Қазақстанда меланома дертінің айтарлықтай жоғары көрсеткіштері Алматыда, Шығыс Қазақстан, Солтүстік Қазақстан, Қарағанды және Павлодар облыстарында тіркелген.  

Мамандардың айтуынша, онкологқа уақытылы қаралып, ауруды мұқият емдеген жағдайда, теріде пайда болатын қатерлі өскіндіге шалдыққан науқастардың 95 пайызын толықтай емдеуге болады. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай