Қазақстанда төтенше жағдай: азық-түлік дүкендері мен базарлар жұмыс істей ме?

Қазақстанда төтенше жағдай жарияланғанына қарамастан азық-түлік дүкендері мен базарлар жұмысын тоқтатпайды, - деп хабарлайды Tengrinews.kz тілшісі сауда және интеграция министрлігінің баспасөз қызметіне сілтеме жасап.

Қазақстанда төтенше жағдай жарияланғанына қарамастан азық-түлік дүкендері мен базарлар жұмысын тоқтатпайды, - деп хабарлайды Tengrinews.kz тілшісі сауда және интеграция министрлігінің баспасөз қызметіне сілтеме жасап.

Жалғасы

■

Нұр-Сұлтан мен Алматыдағы ойын-сауық орталықтары қалай жұмыс істейді?

16 наурыз 2020, 08:53

"Елімізде төтенше жағдай жариялануына қарамастан азық-түлік дүкендері мен базарлар жұмысын жалғастыра береді. Сауда-ойын сауық орталықтарындағы азық-түлік дүкендерінің жұмыс істеуіне қатысты мәселені әкімдіктерден нақтылап жатырмыз. Себебі, бұл мәселеге қатысты шешімді әрбір әкімдік өзі қабылдайды. Алайда жеке азық-түлік дүкендері мен базарлар жұмыс істейді", - дейді ведомствоның баспасөз қызметі.

Сонымен қатар, министрлік Нұр-Сұлтан қаласындағы ірі сауда орнының жұмысына шектеу қойылуы мүмкін екенін жеткізді.

"Шектеулер қойылуы ықтимал. Мысалы, Нұр-Сұлтан қаласындағы "Артем" сауда үйі жабылуы мүмкін. Алайда оның бірінші қабатындағы азық-түлік сататын орын жұмыс істейді", - дейді министрліктің баспасөз қызметі.

Айта кетейік, осыған дейін Қазақстан президенті Қасым-Жомарт Тоқаев елімізде төтенше жағдай жарияланғанын мәлімдеген болатын.

Қазақстан коронавирус Төтенше жағдай