+7 (777) 001 44 99
Қазақша
Русский
English
Қазақша
Русский
English
Қазақстанда тіркелген Zara және OYSHO сауда белгілеріне иелік ететін компания осы брендтерде киім сатқан кәсіпкерді сотқа берді, - деп хабарлайды Tengrinews.kz тілшісі.
"Компания Қазақстанда тіркелген Zara және OYSHO сауда белгілеріне ие. Жеке кәсіпкердің оларды заңсыз пайдаланғаны туралы білген компания, құқықтарын бұзғаны үшін одан өтемақы өндіру туралы арызбен сотқа жүгінді", - делінген хабарламада.
Сотта жеке кәсіпкер тауарларды көтерме бағадан төмен бағаға (Zara және Oysho маркалы футболкалар, шалбарлар, джинсы шалбарлар, көйлектер, әйелдерге арналған леггинстер және т.б.) адал сатып алғанын көрсетті. Ол қолма-қол ақшаға сатып алған, содан кейін оларды сатуға қойған.
"Ол аналогтық брендтерді сатуға лицензия және рұқсат қажет екенін білмегенін айтқан. Кәсіпорын мен Әділет департаментінің өкілдері бутиктен компанияның тауар белгілерімен заңсыз таңбаланған құны 2 миллион теңгеден асатын 117 тауарды тәркіледі. Әкімшілік құқық бұзушылық істері жөніндегі сот жеке кәсіпкерді тауар белгісін заңсыз пайдаланғаны үшін кінәлі деп тапты (ӘҚБтК-нің 158-бабы). Жеке кәсіпкер әкімшілік жаза ретінде 100 мың теңге айыппұл төлеген", - делінген хабарламада.
Сот жеке кәсіпкердің азаматтық айналымда Zara және OYSHO тауар белгілерін рұқсатсыз пайдаланғанын ескере отырып, компанияның талап қоюын қанағаттандырып, жеке кәсіпкерден компанияның құқығын бұзғаны үшін 2 миллион теңгеден астам өтемақы өндірді.
"Жеке кәсіпкерге әлеуметтік желідегі жарияланымдарды өшіру тапсырылды. Жеке кәсіпкер бұл сот шешіміне апелляцияға шағым түсірді. Алайда облыстық сот бірінші сатының шешімін өзгеріссіз қалдырды. Шешім заңды күшіне енді".
Сілтемесіз жаңалық оқисыз ба? Онда Telegram желісінде парақшамызға тіркеліңіз!
