+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
АҚШ елшілігі америкалықтарға Ақтөбедегі терактіден кейін қауіп төнуі мүмкін деп ескертіп жатыр. Бұл туралы тілшілерге Қазақстандағы АҚШ елшісі Джорж Крол "Орталық Азия: Қазіргі таңдағы инновация" атты техникалық форумында айтқан болатын, - деп хабарлайды Tengrinews.kz тілшісі.
АҚШ елшілігі америкалықтарға Ақтөбедегі терактіден кейін қауіп төнуі мүмкін деп ескертіп жатыр. Бұл туралы тілшілерге Қазақстандағы АҚШ елшісі Джорж Крол "Орталық Азия: Қазіргі таңдағы инновация" атты техникалық форумында айтқан болатын, - деп хабарлайды Tengrinews.kz тілшісі.
Біз Қазақстандағы барлық америкалықтарға және Қазақстанға келгісі келетін азаматтарға ескерту жасадық. Біз олардан Ақтөбеде болған жағдайға байланысты сақ болуын сұраймыз. Сонымен қатар, біз Қазақстанға келе жатқан америкалықтардың осы оқиға туралы білетініне сенімді болғымыз келеді. Олар осында келетін жағдайда, әсіресе осы өңірлерге келетін болса, жағдайды түсінуі қажет", - деді Крол тілшілерге.
Оның айтуынша, бұл тек ескерту. Онда елшілік АҚШ азаматтарына жергілікті биліктің бұйрығын орындау керектігін айтып отыр. "Мысалы, Ақтөбеде кешегі оқиғаға байланысты шектеулер бар. Біз адамдарға жергілікті биліктің айтқанын орындауды ұсынып, ескерту жасап жатырмыз. Өкінішке қарай, қазір барлық жерде қауіп төніп тұр, қайда болсаңыз да, Қазақстанда болсын, АҚШ-та болсын, мұндай жағдай болуы мүмкін. Біз Мемлекеттік департаментпен біріге отырып, ескерту жасадық. Біздің елшілік бұл оқиға жайлы біледі және саяхатшыларға арналған ұсыныстардың тізімімен жұмыс істеп жатырмыз. Олар желіде жарияланатын болады", - деді АҚШ елшісі.
Айта кетейік, биыл 5 маусымда Ақтөбеде теракт болған еді, оның салдарынан ондаған адам қаза тапты. Қазақстанда террорлық қауіптің сары деңгейі, ал Ақтөбеде қызыл деңгейі енгізілген болатын.
