Қазақстандағы алғашқы толық автоматтандырылған зертхана

Анализаторларға үлгілерді автоматты түрде жеткізудің зертханалық жүйелері әлемнің жетекші медициналық зертханаларында қолданылады. Енді Қазақстанда жаңа инновациялық кешен жұмыс істейді.

Анализаторларға үлгілерді автоматты түрде жеткізудің зертханалық жүйелері әлемнің жетекші медициналық зертханаларында қолданылады. Енді Қазақстанда жаңа инновациялық кешен жұмыс істейді.

INVIVO зертханалар желісі демонстрациялық экскурсия ұйымдастырды, онда зертханалық процестерді автоматтандыруға арналған елдегі алғашқы роботтық жүйені таныстырды.

Зертханалық зерттеуді жүргізудің барлық процесі пробирканы қабылдау, сынаманың сапасын бағалау және қажетті анализаторларға тарату толығымен автоматтандырылады.

"Бүгін біз өз тарихымызда жаңа парақ ашамыз. Біздің мақсатымыз-ең жақсы қызмет көрсету, зертханалық зерттеулерді уақтылы және сапалы орындау. Менің ойымша, сапалы талдау процесті толық автоматтандыру жағдайында ғана мүмкін болады. Сондықтан жақын арада Алматыда, Шымкентте және Ақтөбеде осындай автоматтандырылған зертхана ашуды жоспарлап отырмыз", - деп атап өтті INVIVO зертханалар желісінің бас директоры Роман Чернов.

INVIVO зертханасының Астана каласынын меңгерушісі Татьяна Тяглая атап өткендей, автоматтандырудың, Abbott GLP Systems трек жүйесінің арқасында зертхана нәтижелерді алу жылдамдығын 30 пайызға арттырды.

"Яғни, пациент нәтижені бір күнде алады, бұл өте маңызды. Емдеуші дәрігер емдеу шараларын ертерек бастауы мүмкін. Бүгінде Астанадағы зертхана тәулігіне 3-4 мың пробирканы өңдейді, алайда қолда бар жабдық компанияға үлгілер санын 10 мыңға дейін арттыруға мүмкіндік береді. Айта кету керек, бұл зертханаға тегін медициналық көмектің кепілдік берілген көлемі шеңберінде және міндетті әлеуметтік медициналық сақтандыру жүйесі бойынша талдаулар тапсыруға болады", - деді ол.

INVIVO Алматы зертханасының меңгерушісі Наталья Мұхаметованың айтуынша, зертханалар желісі талдаулардың орындалу сапасын мұқият бақылайды.

"Ол үшін зертханада орындалатын барлық сынақтар бойынша күнделікті зертханалық сапаны бақылауды, зертханааралық салыстыру сынақтарын, өткізілетін сынақтардың сапасын сырттай бағалауды қамтитын мониторинг үнемі жүргізіледі", - деп қосты ол.

Іс-шараның құрметті қонақтары Автоматты зертханалық жүйелер шығаратын Abbott компаниясының өкілдері, сондай-ақ елордалық емханалардың серіктес дәрігерлері болды.

Роботтандырылған жүйенің арқасында тегін медициналық көмектің кепілдік берілген көлемі (ТМККК) шеңберінде және міндетті әлеуметтік медициналық сақтандыру (МӘМС) жүйесінде де талдаулар жүргізілетін болады.

"Алматы қаласының кәсіпкерлік және индустриялық-инновациялық даму басқармасы" коммуналдық мемлекеттік мекемесі 26.11.2018 жылы берген лицензия нөмірі 18021307.

Жарнамалық материал