+7 (777) 001 44 99
Қазақша
Русский
English
Бірнеше өңірде ауа райының қолайсыздығына байланысты мектептер қашықтан оқу форматына көшті, - деп хабарлайды Tengrinews.kz тілшісі.
"8 желтоқсанда ауа райының нашарлауына байланысты бірінші ауысымның 0-9 сынып оқушылары қашықтан оқыту форматына көшеді", - деп хабарлайды Астана қаласы білім басқармасының Instagram-дағы ресми парақшасында.
Қарағанды білім бөлімі де 8 желтоқсанда ауа райының қолайсыздығына байланысты бірінші ауысымдағы 0-4 сынып оқушылары үшін сабақтар қашықтан оқыту форматына ауыстырылатынын хабарлаған. 5-11 сынып оқушылары штаттық режимде оқиды, деп жазады ekaraganda.kz әлеуметтік желілердегі аккаунтында.
Қостанайда ауа температурасы нөлден 28 градусқа дейін төмендеді.
"Қостанай мектептерінің бірінші ауысымындағы 0-9-сыныптарының оқушылары 8 желтоқсанда қашықтан оқыту форматына ауыстырылады", - деп жазды alau.kz.
"8 желтоқсанда мектепалды, бірінші ауысымның 1-9-сынып оқушыларының сабақтары қашықтан оқыту форматына ауыстырылады: температура -32 градус, жел секундына 2 метр", - деп хабарлайды Павлодар Білім басқармасы Instagram арқылы.
"8 желтоқсанда Семей қаласында ауа райының қолайсыздығына байланысты бірінші ауысымның 1-9 сынып оқушылары үшін сабақтар қашықтан оқыту форматына ауыстырылады", - деп хабарлайды oo_osa_semey_vko.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
