+7 (777) 001 44 99
Қазақша
Русский
English
Ұлттық статистика бюросы Қазақстанда биылғы бірінші тоқсандағы жалақы туралы мәліметтерді жариялады, - деп хабарлайды Tengrinews.kz тілшісі.
2025 жылғы I тоқсанда бағалау бойынша, жалақының медианалық мәні (жалақы қатарының орталық деңгейі) 300 307 теңге болған. Ал кәсіпкерлік қызметпен айналысатын шағын кәсіпорындарды есепке алмағандағы атаулы жалақының орташа мәні 2025 жылғы I тоқсанда 423 133 теңге болды, бұл былтырғы тиісті тоқсанмен салыстырғанда 10,7 пайызға артық.
"2024 жылғы І тоқсанмен салыстырғанда орташа айлық жалақының ең жоғар өсімі ақпарат және байланыс – 31,3 пайыз, ауыл, орман және балық шаруашылығы – 17,3 пайыз, өнер, ойын-сауық және демалыс салаларында – 16,1 пайыз байқалды. Денсаулық сақтау және халыққа әлеуметтік қызмет көрсетуде – 6,2 пайыз, білім беруде орташа айлық жалақы көлемі 6,1 пайыз өсті", - делінген хабарламада.
Өңірлік бөліністе 2024 жылдың тиісті тоқсанымен салыстырғанда 2025 жылдың I тоқсанында орташа айлық атаулы жалақының ең көп өсуі Ұлытау облысында –19,4 пайыз, Қостанай облысында – 14,6 пайыз, Алматы қаласында – 14,2 пайыз және Павлодар облысында 13,5 пайыз тіркелген.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
