+7 (777) 001 44 99
Қазақша
Русский
English
Қазақстандық зейнетақы қаражатын тіс емдеуге 11 рет өтінім беріп, 32,6 миллион теңге жұмсаған. Бұл туралы "Отбасы банктің" баспасөз қызметі хабарлады, - деп хабарлайды Tengrinews.kz тілшісі.
"Клиенттердің бірі 11 рет БЖЗҚ-дағы қаражатты тіс емдеуге пайдалану үшін өтініш берген. Оның жалпы тіс емдеуге алған сомасы 32,6 миллион теңге. Егер бір имплант пен тіс тәжін орнату құны 500 мың теңге деп есептесек, 65 имплант қоюға жетерлік қаражат алынған", - делінген хабарламада.
Тағы бір клиент тісін емдеуге 24,7 миллион теңге жұмсаған. Бұл қаражат бірден стоматологияға аударылған.
"Келесі жағдайда клиент тіс емдеу үшін зейнетақы жинағының артығын пайдалануға, 27 рет өтініш берген. Нәтижесінде 13,1 млн теңге аударылған", - делінген хабарламада.
Банк мәліметінше, көбіне еліміздің түпкір-түпкірінде тұратын азаматтар тісін Атыраудағы стоматологияларда емдетуді таңдаған. Тек Атырауда орналасқан клиникалардың біріне ғана азаматтар зейнетақы жинақтарының артығынан 22,9 миллиард теңге аударған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
