30 наурыз 2021 | 10:25

Қазақстандық ару Оңтүстік Кореядағы модельдер байқауында жеңіске жетті

Оңтүстік Кореяда өткен халықаралық модельдер байқауында қазақстандық ару жеңіске жетті, - деп хабарлайды Tengrinews.kz тілшісі "Хабар 24" телеарнасына сілтеме жасап.

Оңтүстік Кореяда өткен халықаралық модельдер байқауында қазақстандық ару жеңіске жетті, - деп хабарлайды Tengrinews.kz тілшісі "Хабар 24" телеарнасына сілтеме жасап.

Қазылар алқасы 30 жастағы Дана Қабылтаеваны сұлу әрі ақылды ару деп танып, 5 мың доллардан асатын сыйақы табыстады.

"Хабар 24" телеарнасының тілшісі Владислав Цойдың айтуынша, Дана осыдан 10 ай бұрын ауруханада жатып, тұңғыш баласын дүниеге әкелген. Төрт жыл бұрын алмасу бағдарламасы бойынша Кореяға барған. Осында болашақ жұбайымен танысты. Ағылшын тілінен сабақ берді. Модельдер байқауына қатысуға құрбылары көндірген.

Биыл коронавирус пандемиясына байланысты байқауға өзге елдерден модельдер келе алған жоқ. Сондықтан подиумге Кореяда тұрып жатқан шетелдіктер шыққан. Қазылар алқасы аруымыздың сұлулығымен қатар ән шырқауы мен корей тілі білімін бағалады.

"Дана ханшайым сән көрсетілімдерінде ерекше жеңілдіктерге ие болады. Оны Кореядағы түрлі ток-шоу мен бағдарламаларға шақырады. Киноға түсіп, жарнама моделі болуына мүмкіндігі бар", - деді модель байқауы ұйымдастыру комитетінің төрағасы Ким Ин Бе.