+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қазақстандық жасөспірімдер еуропалықтарға қарағанда албырт әрі ашушаң, - деп хабарлайды Tengrinews.kz ЮНИСЕФ "Денсаулық және жастарды дамыту" бағдарламасының үйлестірушісі Айгүл Қадыроваға сілтеме жасап.
Қазақстандық жасөспірімдер еуропалықтарға қарағанда албырт әрі ашушаң, - деп хабарлайды Tengrinews.kz ЮНИСЕФ "Денсаулық және жастарды дамыту" бағдарламасының үйлестірушісі Айгүл Қадыроваға сілтеме жасап.
Айгүл Қадырова Қазақстанда жасөспірімдер арасында болатын өз-өзіне қол жұмсаудың себептеріне арналған зерттеудің қорытындысын айтты. "Еуропалық жасөспірімдерге қарағанда қазақстандық жеткіншектердің өз-өзіне қол жұмсау факторлары тым ауыр және көп. Одан бөлек, өз-өзіне қол жұмсаған жастардың және өлім-жітімнің көбеюі албырттық пен ашушаңдыққа байланысты. Бұл жастарымыздың өз-өзіне не үшін қол жұмсайтынын түсіндіріп береді", - дейді ол ҚР Парламент Мәжілісі әлеуметтік-мәдени даму комитетінің "Жастар арасында өз-өзіне қол жұмсауды және жол көлік оқиғаларын азайтуға" арналған отырысы барысында.
Қадырова жасөспірімдер арасында өз-өзіне қол жұмсау тым жиілеп кеткенін айтады. "Жастардың өз-өзіне қол жұмсауының негізі, бірінші кезекте торығуда жатыр. Біз оны 90 пайыз жасөспірімдерден анықтадық. Оның үстіне 20 пайызы торығудың ең жоғары сатысында. Қобалжу жағдайы - жасөспірімдер арасындағы өз-өзіне қол жұмсайтын екінші фактор. Жасөспірімдердің бір пайызы алкогольді күнде пайдаланатынын айтты. Сондай-ақ тағы бір пайызы нашаны өмірінде кем дегенде 3 рет қолданған", - дейді ол.
"Алкоголь өнімдері мен наша қолдану бойынша жастарымыздың көрсеткіші жаға ұстатарлықтай. Жоғары қауіпті топтағы 45 пайыз жасөспірім өмірінде кем дегенде бір рет қатты мас болған. 21 пайызы бір рет наша қолданғанын айтса, 30 пайызы темекі тартады. Ал Еуропа елдері жасөспірімдерінің көрсеткіші бізден 2-3 есе аз", - дейді Қадырова.
