+7 (777) 001 44 99
Қазақша
Русский
English
Белгілі қазақстандық сарапшы, мүмкіндігі шектеулі жандардың құқығын қорғаушы Вениамин Алаев 43 жасында қайтыс болды. Қайғылы хабар оның Facebook парақшасында жарияланды, - деп хабарлайды Tengrinews.kz тілшісі.
"Вениамин енді арамызда жоқ, қоштасу уақытын кейін хабарлаймыз. Ол 17:00-де 12-ші қалалық ауруханада қайтыс болды", - делінген хабарламада.
Құқық қорғаушының өлімінің себебі әзірге белгісіз.
Вениамин Алаев 2 топтағы мүгедек.
Ол 12 жылдан аса уақыт мүмкіндігі шектеулі жандардың құқықтарын қорғаумен айналысады.
Қ.Иманалиев атындағы мүгедектердің құқықтарын қорғау жөніндегі комиссияның жетекшісі, жаңа буын құқық қорғаушылар коалициясының мүшесі болды.
2017-2019 жылдар аралығында Алматы қаласы әкімінің мүмкіндігі шектеулі жандардың құқықтарын қамтамасыз ету және өмір сүру сапасын жақсарту жөніндегі штаттан тыс кеңесшісі болды.
2019 жылдың шілдесінде ол БҰҰ-ға Қазақстандағы мүгедектердің жағдайы туралы баяндама жасады.
Tengrinews.kz редакциясы Вениамин Алаевтың отбасы мен жақындарына көңіл айтады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
