Қазақстандық полицейлердің жалақысы қанша?

Ішкі істер министрлігінің өкілдері полиция қызметкерлерінің жалақысын айтты, - деп хабарлайды Tengrinews.kz тілшісі.

Ішкі істер министрлігінің өкілдері полиция қызметкерлерінің жалақысын айтты, - деп хабарлайды Tengrinews.kz тілшісі.

Ведомство мәілметінше, полицейлердің жалақысы Президенттің келісімі бойынша Қазақстан Үкіметі бекітетін мемлекеттік бюджет есебінен ұсталатын барлық орган үшін қызметкерлерге еңбекақы төлеудің бірыңғай жүйесі бойынша белгіленеді.

Ішкі істер органдары жалақысы лауазымдық еңбекақы мен арнаулы атағы үшін қосымша ақыдан тұрады дейді министрліктегілер.

Сондай-ақ, ведомстводағылар полицейлер мен ішкі істер органдары қызметкерлерінің орташа жалақысы бойынша статистика жүргізбейтінін айттып өтті.

3-5 жыл еңбек өтілі бар ішкі істер органдары қызметкерлерінің жалақысы:

жергілікті полиция қызметінің патрульдік полициясы аға сержант атағы бар қызметкерлер - 125 339 теңге, басқа бөлімшелердегі қызметкерлер (арнайы мекемелер, айдауыл қызметі, Мамандандырылған күзет бөлімшелері және т. б.) - 96 112 теңге;

патрульдік полиция инспекторы капитан атағындағылар - 154 592 теңге, аудандық аумақтық органдағы қызметкерлер - 125 047 теңге;

аудандық аумақтық органның тергеушісі, жедел уәкілі капитан атағында - 158 203 теңге;

учаскелік полиция инспекторы капитан атағында - 178 324 теңге.

Сондай-ақ, тұрғын үйге мұқтаж қызметкерлерге тұрғын үймен қамтамасыз етілгенге дейін тұрғын үйді жалға алғаны үшін өтемақы төленетіні айтылады.

Нұр-Сұлтанда бір айға тұрғын үйді жалдау үшін өтемақы:

отбасында бір адам болса - 55 278 теңге (18 шаршы метр 3 071 теңгеге көбейтіледі);

отбасында екі адам болса - 110 556 теңге (36 шаршы метр 3 071 теңгеге көбейтіледі);

отбасында үш адам болса - 165 834 теңге (54 шаршы метр 3 071 теңгеге көбейтіледі);

отбасында төрт адам болса - 221 112 теңге (шаршы метр 3 071 теңгеге көбейтіледі).

Тараз қаласы бойынша (республика бойынша ең төменгі мөлшер):

отбасында бір адам болса - 19 872 теңге (18 шаршы метр 1 104 теңгеге көбейтіледі);

отбасында екі адам болса - 39 744 теңге (36 шаршы метр 1 104 теңгеге көбейтіледі);

отбасында үш адам болса - 59 616 теңге (54 шаршы метр 1 104 теңгеге көбейтіледі);

отбасында төрт адам болса - 79 488 теңге (72 шаршы метр 1 104 теңгеге көбейтіледі).

Республика бойынша (тұрғын үйдің бір шаршы метрін жалға алудың орташа құнын негізге ала отырып):

отбасында бір адам болса - 27 522 теңге (18 шаршы метр 1 529 теңгеге көбейтіледі);

отбасында екі адам болса - 55 044 теңге (36 шаршы метр 1 529 теңгеге көбейтіледі);

отбасында үш адам болса - 82 566 теңге (54 шаршы метр 1 529 теңгеге көбейтіледі);

отбасында төрт адам болса - 110 088 теңге (72 кшаршы метр 1 529 теңгеге көбейтіледі).

Қазақстан жаңалықтары. Соңғы жаңалықтар. Telegram желісінде бізге жазыл!

Жалақы Полиция Құқық қорғау органдары